التنشنشينة او اللغز الثالث

حل لغز ولد قليد النجع :الحل

اما حكاية ركبني والا نركبك يعني بيها أن الطريق طويل حدثني والا نحدثك باش نقصرو الثنية.

اما حكاية الزرع حصدوه اخضر والا يابس يقصد بيها اذا اصحابو فقراء ركبتهم الديون راهم كلوه اخضر واذا كانوا ميسورين استنوه حتى يطيب راهم كلوه يابس.

اما حكاية القبر اللي سال على صاحبو ميت والا حي يعني بيها اذا صاحبه رجل خير تذكره الناس بافعاله راه حي واذا كان صاحب شر راه ما يذكره حد.

اما شربة الماء واللبن تتفسر بالطريقة التالية :الفرق بين اللبن والماء انو اللبن تطفو على سطحه الشعرة والماء وهنا هو اكرم التاجر باش يشرب قبله حتى يقبل هو العوالق اللي فوق اللبن والماء بالعكس ترسب في اسفله العوالق هذا علاش اكرم التاجر باش يشرب بعده الماء وفي الحالتين كان حكيم وولد ناس ....

اللي طلعو اللغز هذا زوز من ناس الجزء الاول طلعو kmr'sworld
والجزء الثاني طلعه شهاب
هاني حطيتهم بالترتيب يا ولادة على فكرة القصة هاذي رائجة برشة عند اهل الجنوب وهي مستوحاة من قصة "شن وطبقة " راهي الاخت ولادة تعرفها اكيد
وعلى الاخ برباش ان يحدد كيفاش يحسبهم
*************************************
اللغز الثالث او التشنشينة رقم 3 :

على شجرة الهل ....واعرافها مستقيمة
ثلاثة منها في الظل ...واثنين في الشمس ديمة

****