على احتفالات الكريسماس الدموي ...على اغلاق المعابر ....على استضافة سفارة العدو في ارض عربية ....على قمم العرب المنددة والشاجبة..........................................
اقتراح 3 ايام تدوين اسود حدادا على غزة
انت بعت قيمــــــــنا الــــــــــكل وهو يشــــــــــــــــري اللي شاهيه
وخيك مـــــــــــــــاهو دار جمل وهاذاكــــــــــــــــــــــه مالدنيا بايه
وانت وليدي فيــــــــــــــك اندل خلي نعيـــــــــــــــــشوا الكل خزايا
دير الـــــــــــــــــــغربي لك مثل وديره قــــــــــــــــــدوه لك وغايه
تبعله خطـــــــــــــــــــواته الكل ومهما يعمـــــــــــــــــــل تبع رايه
وادخل بين سطــــــــــــور الذل تعرى كيف النـــــــــــــــاس عرايا
ميع اسيـــــــــــــــــب زيد انحل وارفع للمـــــــــــــــــــــطور راية
باش يقولو فـــــــــــــلان وصل ويقولوا في المــــــــــــــوضه آيه
خلي ســـــــــــــــــروالك ناصل كل تطبيسه تجرى حـــــــــــــكايه
خله يصبــــــــــــــح في المعقل وجيوبه عد بلا نهــــــــــــــايـــــه
هذا تشوفـــــــــــــــه تقول انبل وهذا تحلف فيه طوايـــــــــــــــــا
وهذا سروال مـــــــــــــــــدوبل ملهوفه عليه الشرايــــــــــــــــــه
وهذا سروال امـــــــــــــــــــزل تحلف جريت فيه جنايـــــــــــــــه
لمد مالخـــــــــــــــــــيرات الكل مالي لشكون مخبــــيــــــــــــــــه
وادهن وجهك وتكـــــــــــــــحل وافاحـــــــــــــــك مالغالي اشريه
درجه درجه مع التـــــــــــطوير لن نفوتوا كل حــــــــــــــــــــدود
واسمع قولي يا غشــــــــــــــير اصغى مــــــــا عــــــــاد المجحود
مادامك ما زلت صغــــــــــــــير عيش عمرك من غــــــــير قيـــود
الناس منك يا كبدي تغــــــــــير وماهو المطور محسود
طفي الناس الكل وســـــــــــــير الناس جمله من داخل سود
ولا تهمك ولدي مخاســــــــــير بمالي للحجامه جود
شوف ولدي فنان خبــــــــــــير حجام صبيعاته " قود"
ينقش منك شي كبــــــــــــــــير يكون مخالف للموجود
مشطه فيها الناس تحـــــــــــير تخلي الذر عليك رجود
" الجال" اشري كان تقدر زير وقف شعرك عود بعود
منين تلفالي بتبختـــــــــــــــــير نحلف علراسك قنفود
وكيف تبدا قدامي تســــــــــــير وراسك ماللوطه مكرود
نقول امك يذكرها بخــــــــــــير جرتها في وحمها بيه
شافت مالقرود كثـــــــــــــــــير جي اليخذه للقرد شبيه
بالك ولدي ادير شــــــــــــــنب ووياك اللحيه اطولها
قول للحجام يرطــــــــــــــــــب ايدك لا شي يعطلها
واسمع ولدي كان تحــــــــــب يخليلك لحيه وجملها
ياخذ وقته مهما تعــــــــــــــب ولازم بالملي يفصلها
تقول قلم رصاص كتـــــــــــب خطوط على خدك نزلها
اصداغك فيها الللام ضـــــرب وحتى القليمه لزلها
وخلي فوق الراس مكـــــــــب يتقي علقفده يظللها
وديرلها "كرامات" جعـــــــب ووقف شعراتك وافتلها
وترشق ولدي وهيــــــــــــــب حجامه وياك تبدلها
سمحه واتاتك تعجــــــــــــــب باسم المارينز فصايلها
تقول سابل علراسك ضـــــــب واللي في وحمها تختولها
وزيد كانك يا وليدي تســـــــب وانواع الدين تجلجلها
ومنطق زي عسل يصـــــــــب البابا حذا ولده تقسيه
يقولوا ما يكسابش طــــــــــب وكل ضني يفخر والديه
ما يهمك ولدي في حــــــــــــد تبع ما جابت لقمار
وعندك حق قليبك فــــــــــــــد لازم تتبدل لفكار
شوف برامج فوت العــــــــــد واخرها سوبار ستار
واحفظ يا وليدي وقلــــــــــــد اماراتك ما فيها عار
البس ما شذ وما شــــــــــــرد تحرر وتخطى لسوار
وبالك ولدي تجهــــــــــــــــــد في معانيها لا تحتار
وبره راهي تحط ظ البــــــــــد منهو اللي تيلوم حمار
واشيك ولدي وانقـــــــــــــــد واجلب بجمالك لنظار
سلاسل في الرقبه واليــــــــد وودعه ومعاها تذكار
حكمة ربي جيت ولـــــــــــــد وما نقدر نلغي لقدار
لكن اسعى ولدي بجــــــــــــد شارك حوا هيله اشوار
عليك نقول الله وحــــــــــــــد ونرغث يا ربي تحميه
غزيل زينه فات الحـــــــــــــد نخاف من الصياده عليه
اخرج ولدي وتبخـــــــــــــــتر ارشق خطواتك بدلال
اثنى في الخطوه وانكــــــــــر ولا تحسب واحد في البال
واحفظ من جملة لفكــــــــــــر دير "الشمبو" عوض " الجال"
ينوب ربي وتصب مطـــــــــر تكشكش زي رغاوي جمال
وكون فايز ولدي عالـــــــــذر ياسر قدامك مازال
ولا كان تكمل تســــــــــــــــكر كل ليله تغدي بوبلال
وفي وجهك يا كبدي ســـــــــر اطليه وغيرله الحال
خلي يولي لونه يســـــــــــــــر والبنوت يمكنها هبال
ولاه حرام تكون ذكـــــــــــــــر عالميكياج يهون المال
العالم يا ناس اطـــــــــــــــــور ذكر وانثى والفارق زال
عدي الليل الكل سهـــــــــــــــر حاذي رجال وحاذي انذال
وتمشى في دروب الشــــــــــر ولا تقدر عم ولا خال
تحدى يا كبدي وعبـــــــــــــــر واعمل كل اللي تبغيه
وقول للعالم جمـــــــــــله"طر" ودينك مالقاموس الغيه
دير وليدي سماعـــــــــــــــات وكثر مالغربي والراي
وهز رويسك عالنغمــــــــــات ولا تقولش لعباد حذاي
وكمل في اللوحه النقشــــــات وفي للسيقارو الباي
وكان لامك بعض الحصــــلات قول مسرحلي بباي
وبدل ولدي هالكلمـــــــــــــات عوض اهلا تنقولو "هاي"
وعوض اشنهو نقولو"وات" ووبدل عالخير ب"بيباي"
واحفظ مسرب لنترنــــــــــات وحاذر وابنادم خطاي
ودير صحبه واحكي عالشات ولمد من غادي ومناي
وشوف اخر هالتطليعــــــــات وقلد كان الناس ال"هاي"
وتبع اخر هالصيحــــــــــــات وغير رايك ما تاخذ راي
وكل موضه في البوتيكــــــات كون ولدي اول شراي
وكثر ولدي كلمة هــــــــــــات انت ماشي وانت جاي
وكان بخلوا بالدينـــــــــــارات دير قرنب وتعلق فيه
وارتع كان الشايب مــــــــــات ايتيم منهو يلوم عليه
وليدي جيلك ماهو عيـــــــــبه العيب الكله في الوالدين
جيل وجريت فيه غريـــــــــبه لاهو يسار ولاهو ايمين
وكيف نلقوا لهالجيل طبيــــبه داه واعر خايب ومكين
بدي البابا ما عنده هيـــــــــبه لم فيه تصحح في العين
يخرجها فلوسه من جيـــــــبه ويركب علروحه الدين
باش لبشر يشري مطاليـــــبه افاحات ودخله ودجين
يجري ويعاني مكاتيـــــــــــبه باش يرضوا عليه الغاضبين
وهو متغلف بالطــــــــــــــيبه يصلي في صلاته صلاتين
ولده فيده الشي يجـــــــــــيبه لا يحير ولا يقول منين
يخرج ويطول في الغيــــــــبه لا يقلق لا ينشد وين
حاله يا لخوان عجـــــــــــيبه نعيشوا فيها لنا سنين
تمدنا ودفعنا ضريــــــــــــــبه زهدناها قيمنا والدين
الشايب موش مقدر شيــــــبه كان تكلم بينه بين
ياكل لمنقى بالويــــــــــــــــبه بخته ساقه لشياطين
واللي كانت قبل هزيــــــــــبه صارت عادي بعد الفين
يخذنا وجريت فينا مصيـــــبه ذكوره يخذت ونساوين
جيل ما يعيبش العيــــــــــــبه وهمه كانش في شهاويه
كيف تطمع تيرد سليــــــــــبه العيب فيك اللي طامع فيه
رضا عبداللطيف 25-07-2008
وليدي عندي لك الحـــــل بيع الكل ودير جمل وعدّي شتـــــــــاك الكل رحل
*********************************************
اسّلّف ولدي ودير بعـــــــير ومــــاري الغير وما تعيشش خدّام حــــــــــزام
بالك ولدي يجيك الخـــــــير يصـــــب غزير وبالك تتبرّم ليّـــــــــــــــــــــام
اصغى ولدي هالتدبـــــــــير عليـــــــك نشير وكون ولدي عاقل فهّـــــــــــام
وعدّي ولدي مهما يصــــير عـــــــــوج كثير السّيد على قومه خــــــــــــــدّام
وكون ولدي في رطابة سير وكــــون ضرير واطرش ما يهمّك في كــــــلام
وتحمّل نطزه ونـــــــــــزير وقــــــول حقير وتحمّل ردسة لقـــــــــــــــــدام
وادّرّب تبدى سكّـــــــــــــير تقـــــرطع زير لا حلال يهمّك لا حـــــــــــرام
وكون ولدي في البر خبـــير مثــــــيل الطّير بعون الله تجيك لقـــــــــــــــدّام
وتخوبث ويّاك تحـــــــــــــير بعـــــــقل كبير وكــــــــــثّر من "مرسي مدام"
وتعلّم ضرب البنـــــــــــــدير وشــد الظّل بلاش ملل بعون ربّي القادر توصـــــــــل
يجيك دورك وتنال الخــــــير عزوز اطّل عليك تهل تصفّر لعظام وترقــــــــــــــــل
*****************************************
وتحمّل قطعان الـــــــــــــــبر وطيــــــــق المر وتحمّل هول الرحــــــــــــلات
طيق الصقع وطيق الـــــــحر عليــــــــــه اصبر واحفظ ماللغه لفظــــــــــــــات
واحفر زي اللا يحــــــــــــفر بروحـــــــــك بر ولا يرحم كل اللا مـــــــــــات
وضر اللي قصدك بضـــــرر ضــــــــــر بضر هكّه تصفّي لحسابــــــــــــــات
ورضّي عرفك كان نــــــــغر وحـــــــــتى نزر ميسالش عدي السّيّــــــــــــات
وحتى كان قداك خـــــــــــزر بعــــــــــين الشّر طفّي الضّو على النّبـــــــزات
وكون فالح ولدي وشــــــاطر كريــــــــــم وحر الخبزه تحضرها لحظــــــــات
وكون ولدي ناشـــــــط وذكر برمـــــــش بصر تحضّر مطراح اللّمبــــــــــات
ودير كسوه وعفّان شــــــــعر وكـــــــــون بشر يقلب علكل الشّيــــــــــــــرات
وعدّي طريقك جمـــــــله تور حـــــــــتى تكسّر الكلمات تسوق الكلمـــــــــــات
بالك تخطفـــــــــــــــــلك ياتر وتشّــــــــاكل وتتخــــبّل خيوط شارف فيها توحـــــل
وتشبح منّك شي يــــــــــــسر وتزّلــــــــزل الباب تحل وريقك باليورو ينبــــــــــــل
***********************************
اخرج ولدي علمالـــــــــــوف وعلمــــــــــعروف واعمــل في روحك بهـــــذاله
خلّي الناس الكل تشـــــــــوف تجيـــــــك صفوف سوقك تعناله الكيّـــــــــــــــاله
وعدّي نهارك جمله اطّــــوف تعــــــــب مخلوف وعيش وليدي عليّ عــــــــاله
وخلّي يقولوا يا سفســــــــوف ويــــــــــــا حلّوف طرّش وذنك علقــــــــــــــوّاله
اليوم ليا كانك معيـــــــــــوف وشي معــــــذوف وتتهزّى عليك الرجّــــــــــــاله
غدوه تولّي جميل وصـــــوف ومنـــــــــك خوف بدي قدر الراجل في مــــــــاله
البس كتّان على الصّــــــــوف على البنـــــــطوف واعزق فوق الراس زمــــــاله
ودير سبته تكبس عالجّـــــوف ودير حـــــــروف وسلاسل من كل فصــــــــــاله
وحاذي ولدي كل صنـــــــوف الوقــــت صروف وما تدري علبخت وحـــــــــاله
مرّه تنعم في المصـــــــــروف ومرّه كـــــــــفوف ومرّه بايت في جـــــــــــرواله
وجرّب ولدي كل كلـــــــــوف وكــل حيل وكــل ملل الرّاقد بــــــــــالك يتقلــــــــــقل
واقهر ولدي كل ظـــــــــروف ودوس الكل ولا ما تمل توطّى لليورو وانـــــــــــــــزل
********************************
جرّب ولدي كل اسبــــــــــاب ودق ابــــــــــواب وبالك تغفل علعــــــــــــــزّامه
هون المال ودير حجـــــــــاب وحل البــــــــــاب ركّب للمطلوب لجــــــــــــامه
اعطي وكثّر للحجّـــــــــــــاب الوقت خيــــــــاب حلاله حرم وحل حـــــــــرامه
يخطّطلك يا وليدي كتــــــــاب تنال اعجــــــــاب يخلط مكتوبك يتــــــــــــــهامى
ودس حجابك في لثــــــــــواب على لذيـــــــــاب اللي يخاف ينـــــــــــال سلامه
خط المدّب ياما جــــــــــــــاب بلاش اتعـــــــاب وحقّق للمتــــــــــعوس احلامه
تجيك عزوز من غير حسـاب بلاش صـــــواب سايقهن مدّب باقــــــــــــــلامه
ايّام لنهي عنــــــــــدك "بيكاب" وبرشه اصحــاب وتولي كنّك في منـــــــــــــامه
ايّام ايّام يقولوا غــــــــــــــــاب الله نـــــــــــوّاب تعمّر ولـــــــــدي بر روامه
ولنهو سيدك في الشّيّــــــــــاب تقول عقــــــــاب يحكي علتقعــــــــــــيد ايّامه
ووقتن تتبدّد لصعـــــــــــــــاب وتذّلــــــــــــل الخــــــير يهل وميزاب اليورو ينحل
بالك تتناسى لحبـــــــــــــــــاب عليــــــهم طل المــــــال ابذل الخــــط اللّي هز ينزّل
*****************************
عمري يا مضنــــــــــــوني راح وعودي شــــــــاح وصـــــــار الوقت علي شديد
نحب نشوف ايام سمـــــــــــــاح نحب نرتـــــــــاح نعـــــــيش عقاب العمر سعيد
نحب ندير ديار مـــــــــــــــلاح سماح صحــــــاح ونشـــــري أغلى ضحيّة عيد
ونشري من غالي لفّـــــــــــــاح نظل نفّــــــــــــاح ونلبــــــــــــس كل نهار جديد
وخلّي يقولوا شايــــــــــــب داح وغصنه مـــــــاح لا نصــــــــــــغى كلام امّاعيد
المال يهز بغـير جنــــــــــــــاح المال ســــــــلاح المـــــــــــــــال يرد الذّيل قليد
وقول ولـــــدي "لوجه التمساح" تنال اربــــــــــاح عزوزك في الخيـــــرات تزيد
تحجّجني وانّال نجـــــــــــــــاح يقولوا ارتــــــــاح الحـــــاج ماهو يحض التّمجيد
وندير غنم وســـــــــــــــــــرّاح وعقب شيــــــــاح الخـــــــــــــــير يعم بلا تحديد
ونطلبلك ربي الفتّـــــــــــــــــاح تنال فـــــــــــلاح سيـــــــــــل العزوز بيك يزيد
خلّيها تحكي الفصّــــــــــــــــاح يقولوا هبـــــل وعقله رقــــــل عطي ربي وربي يكـــمّل
ولا نخطى شور السّيّـــــــــــاح نزيد البــــــــل نقيم رحـــــــــل في ايخــوتك عالشور ندل
*******************************
اسعى يا وليدي ودبّــــــــــــرها وشيد خبــــــــرها وقـــــول هاني عندي قاوريّه
ومنين الحظ يكركــــــــــــــرها اعرضها بشــرهه حتى تـــــــــــولي قرب الميّه
واخرج في ذراعك دايـــــــرها الناس اقهـــــــرها واصـــــــبر علضحك الذّرّيه
وطفّي الناس الكل احقــــــــرها ولا تعبّــــــــــرها ناســــــــــــك يا كبدي حسديّه
ونفسك يا كبدي صبّــــــــــــرها تروم اجبــــــــرها وعلّمــــــــــــــــها علكل دنيّه
مباديك قديمه غيّـــــــــــــــــرها ولا تذكــــــــــرها واجـــــري في طوع الحوريّه
ومهما ما تطلب سايــــــــــــــرها ولا تحيّــــــــرها وعاملــــــــــــها زي الشّنتيّه
وقدّام العيله قــــــــــــــــــــــدّرها ولاتنهـــــــــــرها ومهــــــــــــما تعمل للها تهيّا
مفاهيمك جمله طـــــــــــــــوّرها ولا تستـــــــــرها ولا تحــــــــــــشم قدّام الحيّه
وربّك سيّاتك يغفــــــــــــــــــرها ويكفّـــــــــــــرها عاملــــــــــــــهن بسلامة نيّه
ونفسك كيف تضج اكســــــــرها ودير عقـــل وفيك انـــدل ينعل بوه زمـــــــــــان الذّل
ماتت في الناس ضمايــــــــــرها مشت مــزل الغصن ذبـل الغالي بالمــــــــــــــال تبدّل
*******************************
ربيع عمرك يا وليدي هـــــــــان توطّى الشّــــــــان علجـــــــــــــــال الدنيا الكذّابه
بدينا كان الشكل انســـــــــــــــان ولسم فـــــــــــلان بدت الدنـــــــــــــيا زي الغابه
بدي الراجل يرضى ينهــــــــــان وهو طربـــــــان وما كثرت كان الهيّـــــــــــابه
بدت الناس الوان الـــــــــــــــوان بلا عنــــــــــوان وكل واحــــــــد يخلق فاسبابه
بدي الواحد عقله نشـــــــــــــوان بكل هـــــــــــوان مع جدته يضيـّــــــع في شبابه
بدي الوالد يرقد مطمـــــــــــــان وهو شرهـــــــان وولده واحل في قرنـــــــــــابه
يدخلّه بيها سكـــــــــــــــــــــران لحم عريـــــــــان بلا حشــــــــــــــمه يسّكّر بابه
ويضحك من قلبه فرحـــــــــــان مع الجيــــــــران يقــــــــول عزوز ولدي جيّابه
وسوس السّاس تعرّى بــــــــــان وجانا زمـــــــان لم اطّيّــــــــــــــــــح قدر البابا
مشينا تبعنا الشيطـــــــــــــــــــان الوقت اشيــــــان عض ومكّن فيـــــــــــــــنا نابه
على العيله قيسوا لوطــــــــــــان مشت طشّـــــان جي جيل تنكر لنســــــــــــــابه
باع الغالي الكل وخـــــــــــــــان بلاش اثمـــــــان يعبـــــــــــد في الغربي وترابه
ايخذنا وجرفنا الطوفـــــــــــــان البعض انشــل وبعض همــل ولاخر متكـــــــــوفخ زاطل
رغثت بصوتي يا رحمــــــــــان القلب انعــــــل من الحاصــل قادر تهــــــــــديه اللي ضل
رضا عبداللطيف
02-06-2008