الاخراج والتوظيب الركحي : لصالح الصويعي
الاضاءة :توفيق الصغير
( صوت ) مرازيق في شيرة عمل نفزاوه صناديد في فجوج الخلا خبراوه
يفتح الستار : رجال متحلقين حول موائد الطعام وحركة تنم على قرب انتهاء الوليمة
الراوي: الليله عرس مرزوق ولد قليد النجع الليله ليله كبيره تجي العباد من كل بر من البارح والذباح يذبح حواشي وعلوش، الضيوف بدت تهل من طلعة السمس. الليله عرس فيه ما تتمنى العين وما تتمنى الوذن.
الليله تجمل الغنايه الكل اهل الباع والذراع , اهل الكلمه واهل القرجومه والعرس صباحي , القمره زاهيه والطقس مواتي.
اهل الدار والضيوف نظنهم كملوا الوليمه ولا على حد....... المغرب من بكري اذن ...تره اس اس اس بابا العريس يكلم في الضيوف.
بابا العريس: خيار القول بسم الله الرحمان الرحيم وصلواعلى المصطفى وسلموا تسليما قالوا بكري:
الْعِرسْ يِبْغِي الدّوِيلَهْ وِالْخِيلْ تِبْغِي لِمْشَالِي
وِاللِّي خَرَجْ مِالدِّوِيلَهْ يَرْخَصْ وَلَوْ كَانْ غَالِي
وانتم دويلتي دمي واحبابي وكبر الله قدوركم كيف كبرتوا بي ولبيتوا دعوتي , ونعرف اللي لمة الليله ما تلتم كان الليله وان شاالله ملمومين على حوض النبي في جنة رضوان. وعندي كليمه نحب نقولها لوخياني وخاصة الشعراء والغنايه , العرس عرس ولد كل واحد فيكم وتلاقينا على الخوايه والمحبه ولذا الحاجه اللي باش نطلبها منكم يرحم والديكم الكل لا تدخلوا في رباط العرس ولا تدخلوا في مهاجاة بعضكم جايين تفرحوا عماي بفرحتي ما نحب حتى واحد منكم يروح غضبان ولا توجعه في بيتي كلمه.
واطيب الكلام صلاة النبي صلى الله عليه وسلم , ولذا قدام ما يرسم العرس تانطلب من سي عبدالله بن منصور الشتوي, جرايد من مدحته في الرسول صلى الله عليه وسلم.
اللَََّهُمّ صَلِّ عَلَى الْمُصْطَفَى الْعَدلِ الرِّضَى عَلْقَدْ وِدْيَانْ جَابُوا الْحَصَى
اللّهُمّ صَلّ وَسَلـــــــّمْ يدُومْ عَدَدْ كُلْ يُومْ عَلْقَدْ رِيحْ القوِيْ وِالنّسُوم
عَلْقَدْ مَا يَطِلْعُوا مِن نْجُومْ فِلَكْهُم يْحُومْ بِيهْ خَبرُوا قَارْيِينْ العْلـــُوم
عَلْقَدْ تِينٍ تْجِيبَهْ الكــــرُومْ ومِنْ يَاكْـــلاَ لَسْوَدْ عَلَى خُوهْ هُو فَضِّلاَ
مقطع من المقدمة
مقطع جماعي - مدحة-
بوبكر بن غرسالله - بنقطنش
عبد الله بن علي
محمد الطويل
زقايري
مقطع من نخان
الخاتمة
