عيد سعيد للناس الكل اولا ..حبيت نستغل الفرصة هذية باش نحكي على بعض عاداتنا في العيد الصغير .. احنا نعرفو ان اغلب العباد تحتفل بالعيد الصغير بالحلو ..اللي يطيب البسكوي او المقروض كيما في القيروان او كعك الورقة كيما اغلب حارات تونس او البقلاوة كيما في بعض جهات تونس او بنزرت
...فان العادة هذية ما نعرفش كيفاش تسربتلنا ...من الاتراك ..او من تقاليدنا العربية ...او من الفرس ...ولكن المهم ان ثم سر في علاقة العيد الصغير بالحلويات ..والحلو ممكن لسببين حسب رايي : نفسي وصحي
نفسي : ممكن لانو الحلو يعني تحلية الريق المر او الماسط بعد ما تعود الواحد ثلاثين يوم على الريق الماسط ( من غير تاويل ايديولوجي للجماعة اللي ما صاموش ) والحلو هنا يعني حلان شاهية جديدة للاكل وللعمل وللحياة وتخلي عن الكبي ( من غير تاويل للجماعة المؤمنين برشة بالصيام ) خاطر نحكي ديما في اطار سلوك نفسي بعيدا عن حكاية الايمان وعدم الايمان بالشيء اللي يعملو فيه ( خاطر برشة ناس تصيم فقط كان على الماكلة ويهبط عليهم الورع والتقوى كان في ها اللشهر الفضيل ....
صحي : نتصور ان الحلو وماكلة الحلو برشة يخلي الانسان يشرب برشة ماء وهكاكة شرب الماء يحل المصارن ويهيئها لنظام غذائي جديد ما كانتش متعودة بيه ..وممكن زادة لان البدن يكون في حاجة الى نسبة سكريات اكثر بعد ما فقد شوية من توازنو ...
واللي يدعم الفكرة هذية انو الصفاقسية مثلا هوما الوحيدين اللي يحتفلو بالعيد بالموالح وعادة يسموها " الشرمولة " وهي عبارة عن سمكة تن كبيرة ياخوها بابا العائلة قبل العيد بمدة وتحضرها المرا تقددها وتملحها ويحلوها نهارت العيد يفطرو عليها الصباح لمدة العيد وكل قدير وقدرو ( وهي قريبة شوية من عادة ليبية شوف هنا وهنا وممكن اقرب اكثر للشرمولة المغربية -هنا )..
.
ويفسرو العادة هذية بكونه الموالح تعطش وتشرب برشة ماء وهكاكة تخلي المصارن تتحل وتتهيأ للماكلة برشة ..وقد تكون العادة هذية صحية اكثر من الاولى لان الملح بالاضافة لقدرتو على معالجة الخمج المعوي اللي يمكن يكون ترسب من تكالب على حميات غير مدروسة في رمضان يكون اقدر على فتح الشاهية للاكل واحداث توازن افضل للجسم ؟؟؟
اشنوة رايكم ؟؟؟؟؟
...فان العادة هذية ما نعرفش كيفاش تسربتلنا ...من الاتراك ..او من تقاليدنا العربية ...او من الفرس ...ولكن المهم ان ثم سر في علاقة العيد الصغير بالحلويات ..والحلو ممكن لسببين حسب رايي : نفسي وصحي
نفسي : ممكن لانو الحلو يعني تحلية الريق المر او الماسط بعد ما تعود الواحد ثلاثين يوم على الريق الماسط ( من غير تاويل ايديولوجي للجماعة اللي ما صاموش ) والحلو هنا يعني حلان شاهية جديدة للاكل وللعمل وللحياة وتخلي عن الكبي ( من غير تاويل للجماعة المؤمنين برشة بالصيام ) خاطر نحكي ديما في اطار سلوك نفسي بعيدا عن حكاية الايمان وعدم الايمان بالشيء اللي يعملو فيه ( خاطر برشة ناس تصيم فقط كان على الماكلة ويهبط عليهم الورع والتقوى كان في ها اللشهر الفضيل ....
صحي : نتصور ان الحلو وماكلة الحلو برشة يخلي الانسان يشرب برشة ماء وهكاكة شرب الماء يحل المصارن ويهيئها لنظام غذائي جديد ما كانتش متعودة بيه ..وممكن زادة لان البدن يكون في حاجة الى نسبة سكريات اكثر بعد ما فقد شوية من توازنو ...
واللي يدعم الفكرة هذية انو الصفاقسية مثلا هوما الوحيدين اللي يحتفلو بالعيد بالموالح وعادة يسموها " الشرمولة " وهي عبارة عن سمكة تن كبيرة ياخوها بابا العائلة قبل العيد بمدة وتحضرها المرا تقددها وتملحها ويحلوها نهارت العيد يفطرو عليها الصباح لمدة العيد وكل قدير وقدرو ( وهي قريبة شوية من عادة ليبية شوف هنا وهنا وممكن اقرب اكثر للشرمولة المغربية -هنا )..
.
ويفسرو العادة هذية بكونه الموالح تعطش وتشرب برشة ماء وهكاكة تخلي المصارن تتحل وتتهيأ للماكلة برشة ..وقد تكون العادة هذية صحية اكثر من الاولى لان الملح بالاضافة لقدرتو على معالجة الخمج المعوي اللي يمكن يكون ترسب من تكالب على حميات غير مدروسة في رمضان يكون اقدر على فتح الشاهية للاكل واحداث توازن افضل للجسم ؟؟؟
اشنوة رايكم ؟؟؟؟؟
